Það er rífandi gangur í framkvæmdum við nýtt athafnasvæði Björgunar í Álfsnesi þar sem ný efnisvinnsla var gangsett á dögunum en ráðgert er að efni úr sjó verði dælt í land, mokað á tæki og sent svo á færibönd til fullvinnslu og hreinsunar. Við nýja höfn á svæðinu hefur verið út­bú­inn hundrað metra lang­ur viðlegukant­ur en þangað koma að landi skip sem sækja möl og sand í neðan­sjáv­ar­nám­ur í Hval­f­irði og á Faxa­flóa. Á svæðinu hefur m.a. verið rekið niður stálþil og myndaður 100 metra langur viðlegukantur sem sanddæluskip geta lagst að.

Fara þurfti í um­fangs­mikla jarðvinnu og land­mót­un á Álfs­nesi til að út­búa at­hafna­svæðið þar. Í því skyni voru sprengd­ar niður klapp­ir og losað um grjót, sem aft­ur nýtt­ist til hafn­ar­gerðar.